有同學同我講，上咗中六之後讀書好辛苦，時間成日唔夠。屋企又要成個鐘先反到學校。日日返學都搭車嗰陣唧啲時間出嚟溫書，放學又要補習。搞到返屋企都冇時間溫書。

時間分配係好重要，呢句個個都識講。但時間分配唔係個個都做到。

全世界每人每日都係得24個鐘頭可以用。無論係老師學生、考官考生、老豆阿媽阿哥細佬條仔條女，大家每日都係得24小時可以去用。所謂時間管理，唔單止淨係講緊點樣提升時間效率。更重要嘅其實係點樣唔好做埋啲無聊嘢。特別係高中，唔重要嘅野就唔擺咁多時間，重要嘅就All-in。你會見到普遍學霸嘅英文都比較好，因為佢哋絕對知道呢科嘅重要性，甚至而家入大學好多嘅科目都會計佢1.75-2倍分。換言之，你英文科攞5**可以等於你兩科攞5**。比起幾年前英文科嘅重要性，而家可以話係更更更高。而英文好咗其實對於其他學科學習同埋溫習嘅速度都會大大提升。

我班上咁多年嚟出個無數狀元榜眼探花、無數神科嘅同學、每年都有嘅straight五星星同學。呢啲同學唔係乜嘢活動都唔玩，唔係放學淨係返屋企溫書做功課。你有冇諗過佢哋點解會比你成功？點解佢哋做乜都叻過你？

老實講，時間唔夠？

平時放學之後你攞啲時間嚟做乜？有冇將唔明嘅嘢搞明先離開學校？

瞓覺前嗰一個鐘你又喺張床度做乜？有冇擺低手機溫一頭半個鐘書先至瞓覺？
你屋企住得幾遠，唔係第一日嘅事。
要考dse，其實三年前你已經知。
今日你覺得做野比人哋吃力，係因為你而家一年要追返三年嘅進度。
但係花咁多心機去提升所謂嘅學習efficiency，倒不如諗一諗點解你咁inefficient。減少做啲令你inefficient 嘅行為同壞習慣，其實你會發覺你唔需要周圍搵方法，好輕鬆地已經提升左自己。

有時講補習，唔係淨係好似出面啲老師咁派啲上網搵到嘅生字句構配套俾你。我地有更多嘅係學習模式同思維，呢啲資源遠遠俾幾隻字，幾本書仔可貴得多。學霸們嘅學習模式及思維，我地有嘅樣板多啲是，每人都有唔同嘅style，但歸納出黎嘅大道理同核心，其實都係一樣。明左，成功指日可待。

前人成功嘅例子就有好多，信唔信同跟唔跟，就隨便你地了。

有時間再講。